68112ca3b48ecdc82bff7a7e9d04bcaa

Musanze: Abikorera biyemeje gukomeza kuba hafi abarokotse Jenoside yakorewe Abatutsi

Mu kwibuka ku nshuro ya 28 Jenoside yakorewe Abatutsi, abikorera bo mu karere ka Musanze biyemeje kugira uruhare rufatika mu gufasha abarokotse Jenoside batishoboye, ku ikubitiro bakaba batanze miliyoni 3 Frw azagura amabati hasanwa inzu za bamwe muri bo zishaje.

Aba bikorera bavuga ko biyemeje gukoresha neza ubushobozi bafite mu kubaka ubumwe n’iterambere by’igihugu.

Ni muri urwo rwego urugaga rw’abikorera mu karere ka Musanze rwashyikirije ubuyobozi bw’aka karere, miliyoni 3 z’amafaranga azagura amabati 400 hasanwa inzu zishaje za bamwe mu bakorotse Jenoside yakorewe abatutsu batishoboye. 

Umuyobozi w’urugaga rw’abikorera muri aka karere, Habiyambere Jhon avuga ko iyi ari intangiriro y’ibikorwa nk’ibi byo guteza imbere imibereho y’abarokotse Jenoside nk’abikorera.

Guverineri w’Intara y’Amajyaruguru, Nyirarugero Dancilla yashimiye umusanzu w’abikorera b’Akarere ka Musanze, asaba ko n’abo mu tundi turere tw’iyi ntara babigiraho.

Mu kwibuka ku nshuro ya 28 Jenoside yakorewe abatutsi kandi abikorera bo mu karere ka Musanze bunamiye Abatutsi basaga 900 baruhukiye mu rwibutso rw’aka karere, barimo abagera kuri 800 biciwe mu cyahoze ari urukiko rw’ubujurire.



Comment As:

Comment (0)