ED5B14F9-F4FA-406E-9BD5-7CAD0BB28C79_w1023_r1_s

Hirya no hino: Ubudage bwatangaje ko bushobora gukura Abasirikare babwo muri Mali

Minisitiri w'Ububanyi n'Amahanga w' ubudage, Madame Annalena Baerbock, azaganira n’Abasirikare bari ku butegetsi muri Mali muri iki cy'Umweru.

Umuvugizi wiyi Minisiteri ku wa mbere yavuzeko uwo mutegetsi azaba agiye kuganira kuhazaza  habasirikare b’Ubudagi bari muri Mali.

Madame Baerbock waraye ageze muri Mali kuri uyu wa Kabiri, biteganyijwe ko aza guhura  na Assimi Goita uyoboye  igihugu muri iki gihe hamwe na minisitiri w'ububanyi n'Amahanga Mali Bwana Abdoulaye Diop.

Biteganyijwe kandi ko aza gukomereza urugendo rwe mu gihugu cya Nijeri gihana imbibi na Mali, aho aza kuganira na Perezida Mohamed Bazoum hamwe na Minisitiri w'Ububanyi n'Amahanga wa Nijeri, Ibrahim Yacoubou.

Impamvu y’urugendo rw’uyu muyobozi ni ukumenya ishusho ya Politike n’Umutekano muri ibyo bihugu, mu gihe Ubudage bugikekeranya kuba bwarekera Abasirikare babwo muri Mali cyangwa bwabakurayo.

Ubudage bufite Abasirikare hafi 1,100 mu Mutwe w’Abasirikare ba ONU bari kubungabunga Amahoro n’Umutekano muri Mali, MINUSMA.

Iki gihugu cy'i Burayi cyatanze kandi Abasirikare 300 mu Ngabo z’Ubumwe bw' i Burayi ziri kumenyereza Abasirikare ba Mali.

Ibi ni mu gihe mu Kwezi kwa Kabiri, Ubufaransa bwatangaje ko bukuye abasirikare muri Mali, bituma ahazaza h’Abasirikare b’Ubudage muri Mali hatangira gushidikanywaho.



Comment As:

Comment (0)